Dagiti nagannak ken annak
Daytoy nga salud-sud ket napanunut ko man nga damagen kanya yo amin. itay madama ti dinner ko, adda buy-buyaek dita TFC nga maysa nga istorya ti Maala-ala mo kaya. parte ti istorya na ket mangipakita no kasanu nga ingkarigatan diay nagannak iti nagtrabaho tapno lang mapadakkel ken makapagbasa dagidiay annak da. idi nagasawa nga dagus diay maysa nga anak da, nadismaya dagidiay nagannak gapu iti pinagasawa na nga nasapa diay maysa nga anak da. ti rason dagidiay nagannak no apay nga makaunget da, saan kanu nga makatulong nukwan kanyada. ti kayat na nga sawen, kasla adda ekspektaren dagidiay nagannak nga agsubli kanyada isu nga pinagbasa ken pinadakkel da dagidiay annak da. investment iti treatment na kuma nga adda eks-ekspektaren dagitay nagannak nga ROI (return on investment) da.
itattan, napanunut ko nga didiay nabuyak ket saan lang nga dita telebisyon ti pakapas-pasamakan na no diket nga agpayso pay dayta iti pudno nga pinagbiag tayo nga Pilipino ken dagitay pada tayo nga marig-rigat nga adda iti third world countries.
iti man opinion ko, iti pinangpabasa wenno pinangpadakkel iti anak ket maysa nga responsibilidad dagiti nagannak. unconditional daytoy nga banag para kanyak. no siak to ti maad-daan ti anak na, no mangted to diay anak ko ti sangkabassit, ok. ngem no saan, awan nasakit nga bakrang ko. uray no napanglawak man wenno saan, saan ko nga ikas-kasir to kanya da dagidiay inaramid ko nga pagsayaatan da, nga no panunutem ket maysa nga responsibilidad iti pinagpamilya.
eksampol (nia ti ilocano na ti "example"?), adda dagitay nagannak nga:
* padakkelen da dagidiay annak da nga ageks-ekspektar da tapno baka maysan to nga aldaw, isu ti mangi-ahon iti rigat da.
* adda met dagitay nagannak nga no nagsinnungbat da kadaytay anak da ket agikasir da no kasanu ti rigat da nga nangpadakkel kanya da.
* adda met dagitay nagannak nga uray adda lang ngarud mabalin dan, ageks-pektar da paylang kadagitay annak da tapno lang matungpal dagitay luho da.
diay ngarud parte na diay nabuyak ket adda dayalog da nga kastoy:
(translated iti ilocano) "apay nga nagasawa kan? dimo kadi ammo ti rigat mi kenni nanang mo nga nangpadakkel ken nangpabasa kanya yo nga agkakabsat? imbes nga tumulong ka kuma paylang, nagasawa ketdi ti inaramid mon! diay ingasto mi kanya yo, ni kusing awan ti naramanan mi nga nagsubli."
Salud-sud ko man kadagitay padak nga ilocanos ditoy nga adda annak na, adda kadi eks-ekspektaren yo nga ROI kadagita annak yo inton dumakkel da ken makalpas da iti kolehiyo ken maaddaan iti trabaho?
